Inzibati məhkəmələr vətəndaşın dövlətdəki mövqeyini gücləndirirlər
Azərbaycan Respublikasının Konstitusiyası vətəndaşların dövlət orqanlarının qərarları və hərəkətlərindən (yaxud hərəkətsizliyindən) məhkəməyə şikayət etmək hüququna təminat verir. 1 yanvar 2011-ci il tarixdən etibarən bu şikayətlərə baxmaq səlahiyyətinə malik olan yeni məhkəmələr fəaliyyət göstərir. Belə ki, inzibati orqanların qərar və hərəkətlərindən (hərəkətsizliyindən) narazı qalan vətəndaşlar Bakı, Sumqayıt, Şəki, Gəncə, Şirvan və Naxçıvanda yerləşən inzibati-iqtisadi məhkəmələrə iddia verə bilərlər.